DINTLHA-HLAHLI TŠA GO LAETŠA TSELA YA GO DIRA KGOPELO
Botšwelo
ba lemošitšwe gore ditšhelete tšeo di abelwago batho-baso le badiradililimi ba basadi, ga di oketšege ka lebelo leo le letetšwego le gore, ga go na kemedi go tšwa ka lehlakoreng la diboledi tša dipolelo tša tlhago tša mono Afrika Borwa.
Morago ga go lemošwa ke kabo yeo e dirilwego ke Kgoro ya Bokgabo le Setšo go
NFVF mabapi le go tšweletšwa ga dingwalwa ka maleme a tlhago gotee le diworkšopo mabapi le tlhahlo tšeo di ebgo di akaretša SEDIBA, NFVF e tlile ka molokoloko wa dimatlafatši go thuša bothateng bjo. Bothata bo šweletše gape phaduišanong ya rena ya maloba ya "25 Words or Less" moo re humanego gore e bile fela basadi ba se bakae bao ba kgonnego go fihlelela lenaneo la bao ba kgethetšwego go fihla difaenaleng. Godimo ga fao, dimatlafatši tše di šišintšwego di tla thuša gape le go rarolla taba ya tlhokego ya šedi yeo e tsomegago le gore dikgoba di fiwe batho ba basadi ba go tšweletša difilimi, ele karolo ya seo se tšweletšego dijong tša matena le motlatša-tona Ntombazana Botha le kemedi ya DAC kgweding ya go feta.
Go latela koketšego ya ditekanyetšo tša NFVF yeo e tšweletšego polelong ya ditekanyetšo tša tona ka kgwedi ya June, ka maikemišetšo a go matlafatša le go thuša tšwetšopeleng ya tlhamoleswa ya talente ya boithomelo indastering ya difilimi, NFVF e ile go tsebiša diphadišano tše pedi tša difilimi tše dikopana tšeo diketapele tša tšona e tlago ba baithomedi ba bathobaso le basadi.
Dipampiri tša difilimi tše dikopana tšeo do ilego go thopa sefoka, di tla tšweletšwa ka methopo ya go feta o tee go kgonthišiša gore difilimi tša mafelelo di dirwa ka maemo a godimo-dimo ka difoka, meletlo le boiphedišo bja badiradifilimi ba maemo a godimo lenaneong la dipoelo tša phadišno.
NFVF e holofela gore lenaneo leo badiradifilimi ba tlago sepetšwa ka lona kgatong ya go lekola sengwalwa le diwekšopong tša botšweletši bja difilimi, le tla hola indasteri ka ditalente tše seswai tša setšo le difilimi.
Re šetše re bone gore, mantšu a maswa ao a tšwelelago, metšwa ke indasteri ye mono gae le moše wa mawatle morago ga ge difilimi tše dikopana tšeo di thopilego difoka, di se na go phethwa ka katlego. NFVF e holofela gore setlwaedi se se tla tšwela pele difiliming tša maleme a tlhago gotee le tše dingwe tše dikopana tšeo di eteletšwego pele ke basadi.
Phadišano ya difilimi e ile go felelela ka go tšweletšwa ga difilimi tše 8 tša khwalithi ya godimo tša metsotso ye 12 filimi ka e tee; difilimi tše 4 tše dikopana tša maleme a tlhago a Afrika Borwa, le tše 4 tše dikopana tšeo di dirilwego ke badira-difilimi ba basadi.
Bjalo ka karolo ya lesolo le legolwane la go thuša badiradifilimi gore ba hwetše tsela ya maleba ya go leba boiphedišong bja go dira difilimi bjoo bo atlegilego, le go katološa bogolo bja talente ya bohlagiši yeo e lego gona ka gare ga indasteri, NFVF, yeo e lego mokgatlo wa semmušo woo o filwego maatla ke molao wa palamente gore e be yona e etago pele kgoolo yeo e lekanego le go hlabollwa ga indasteri ya difilimi le divideo ya Afrika Borwa, gore go potlakišwe hlahlo ya badiradifilimi ka maikemišetšo a go tšweletša difilimi tše dikopana tša go thopa difoka tšeo di tlago tanya šedi ya mono gae le dinageng tša boditšhaba-tšhaba.
Diphadišano tša difilimi tše dikopana'
NFVFe tla nea bangwadi le batšweletši ba 4 tšhelete yeo e sa fetogego ya go balelwa go R300,000 go tšweletša filimi ya metsotso ye 12. National Film and
Video Foundation (NFVF) e na le tokelo ya go kgetha morulaganyi wa pampiri, moeletši, le mohlapetši wa projeke ye – ka ditshenyagalelo tšeo di lebišitšwego projekeng di etšwa go NFVF.
Dikgopelo le dingwalwa ka moka tša Phadišano ya difilimi tše dikopana tšeo di lego ka maleme a tlhago a Afrika Borwa, di swanetše go ba ka le lengwe la maleme a semmušo a Afrika Borwa e sego ka English.
Dikgopelo le dingwalwa ka moka tša Phadišano ya difilimi tše dikopana tša
Difilimi tšeo di etilwego pele ke basadi, di swanetše go ba ka le lengwe la maleme a semmušo a Afrika Borwa go akaretšwa le English.
Phadišano e ile go bulwa semmušo ka la 31 Agostose 2006.
Ke mang yoo a swanetšego go dira kgopelo?
Sekema se se buleletšwe batho bao e lego badudi ba Afrika Borwa, goba badudi ba saruru ba Afrika Borwa le dikhamphani tša tšweletšo tša naga ye.
Phadišanong ya Filimi ye Kopana ya Maleme a tlhago a Afrika Bora go dumeletšwe fela bangwadi le batšweletši ba bathobaso go dira dikgopelo. Dihlogo tša mafapha le sehlopha e ka no ba makgowa.
Phadišanon ya difilimi tšeo di eteletšwego pele ke basadi, ke basadi ba bangwadi le batšweletši fela bao ba dumeletšwego go dira dikgopelo. Dihlogo tša dikgoro le maloko a sehlopha e ka ba banna.
Projeke ya gago e swanetše go ba
Dikgopolo tša kanegelo di swanetše go ba tša mokgopedi gomme ga se tša swanela go theiwa godimo ga mešomo yeo e šetšego ele gona go swana le dipadi, dikhomiki, goba dipapadi tša sefaleng. Projeke e swanetše go swanetšana le leleme, morafe, le dinyakwa tša bong tša mophadišani yo mongwe le yo mongwe.
Kgopelo
Mokgopedi yo mongwe le yo mongwe o swanetše romela dintlha tše di latelago ka elektroniki hle lekola lenaneo-tekolo la dingwalwa go bona tsela yeo dingwalwa tše di swanetšego go romelwa ka yona:
Mothaladi woo o hlalosago kgopolo ya kanegelo
Letlakala le tee leo le hlalosago kgopolo ya kanegelo le thulaganyo ya yona.
Yona e swanetše go hlalosa dintlha tše dikgolo tša thulaganyo go akaretšwa le tharollo.
Papadi ya tiragatšo ya filimi ye kopana yeo e šišintšwego mo matlakaleng a 12
Mabaka ao a latelwago ge go kgethwa
Bakgopedi batla lekolwa go beilwe šedi godimo ga bokgoni le boithomelo bja mošomo woo o rometšwego.
NFVF e ka se nee dipoelo tša boithomelo bja diprojeke tšeo e sa di kgethago.
Tshelete ya go tšwetša projeke pele
Ditšhelete tša tšweletšo e tla ba R300,000 go phethagatša tšweletšo ya filimi ye kopana ya metsotso ye 12 gomme e tla lefelwa pele morago ga ge go feditšwe ka kwano ya tšweletšo yeo e nago le mabaka a dipeeletšo tša NFVF. Tšhelete e tla fetišetšwa motšweletšing ka ditefelo tše mmalwa tšeo di tlago ba di rulagantšwe ke NFVF le dihlopha tšeo di thopilego difoka, go latelwa dinyakwa tša ditšhelete tšweletšong.
NFVF e na le tokelo ya go kgetha morulaganyi wa sengwalwa, moeletši, le mohlokomedi wa tšweletšo diprojekeng ka moka tšeo di atlegilego ka tirišano le bangwadi bao ba thopilego difoka le balaodi ka nako ya ge go tla ba go tsenwe fase ka boikgakollo bja pele ga lenaneo la tšweletšo. Tefelo ya morulaganyi wa sengwalwa, le mohokomedi wa tšweletšo, e tla ba R300,000 ye nngwe gape ya tšweletšo gomme e tla lefša morulaganyi wa sengwalwa, moeletši le/goba mohlokomedi wa tšweletšo ke NFVF legatong la tšweletšo. Ditefelo tše, e tla ba kaorlo ya dipeeletšo tša NFVF projekeng ka maikemišetšo a go bala peeletšo ka moka ya NFVF.
NFVF e nyaka gore ditšhelete tša go lefela tšweletšo, di bušetšwe go yona ge diphadišano tše dikopana tša NFVF, ge filimi yeo e atlegilego e ka fetišetšwa projeke mothong wa boraro.
NFVF e tla ka se dumele go hlabolla kanegelo go ba filimi goba papadi ya sekirini le mongwadi. Ditšhelete ka moka tša tlhabollo di tla ntšhwa go latela
Melao le maemo a Tlhabollo ao a beilwego ke NFVF.
Diphadišano tša Difilimi tše dikopana tša NFVF di beetšwe melao ye e latelago:
Hlogo ya kanegelo: Mongwadi o swanetše go ikana gore kgopolo ya kanegelo ke ya gagwe.
Lenaneo la tšweletšo: NFVF e tla šoma le mogngwadi, molaodi, motšweletši le khamphani ya tšweletšo kgatong ye nngwe le ye nngwe ya tšweletšo gomme e tla lekola kgatelopele ya projeke go latela dikgato tšeo di kwanetšwego, moo go tlago tšewa le diphetho tša ge eba go sa na le mošomo woo o nyakegago. NFVF e na le tokelo ya go kgetha morulaganyi wa sengwalwa, moeletši, le/goba mohlokomedi wa tšweletšo yoo a tlago šoma le mongwadi le molaodi.
Mošomo ka moka o swanetše go fiwa NFVF ka matšatši ao a kwanetšwego Kwanong ya tšweletšo ntle le gee le gore NFVF e kwane le taba yeo ka lengwalo.
Ga go na mošomo woo o tlago dirwa, ntle le ge go ka ba le tsebišo ya go tšwa
NFVF ya gore ga e sa na kgahlegelo ya go beeletša go ya pele ka tšwetšopeleng le thekišong ya filimi yeo e phethilwego, gomme ge ditšhelete tšeo NVFV e di beeleditšego projekeng di sa ba tša lefša, mongwadi le molaodi ba ka se saene, ba dumelela ka tsela ya laesentshe goba ba fetišetša ditokelo tša mošomo woo
NFVF e beeleditšego tšhelete go ona ntle le lengwalo la tumelelo la NFVF.
Lenaneo la tekolo ya dikgopelo
Dikgopelo di swanetše go ba di amogetšwe ka la 31 Novemere 2006 ka iri ya 10
mesong, gomme di swanetše go romelwa ka tsela ya elektroniki ka websaete ya
NFVF. Ga go dikgopelo tša go romelwa ka fekese tšeo di tlago amogelwa. Ka 'baka la bogolo bja dikgopelo tšeo di letešwego, re le eletša gore le se letše mogala go nyakišiša gee le gore kgopelo e fihlile. Lengwalo la go tsebiša gore kgopelo e amogetšwe, le tla romelwa ge nako e dutše e eya.
Romela tše di latelago:
Foromo yeo e tladitšwego ya go dira kgopelo
Kgwekgwe yeo e hlalosago kgopolo ya kanegelo
Letlakala le tee leo go lona go hlaloswago kgopolo ya kanegelo le thulaganyo ya yona
Kamanyo le difilimi tše dikopana.
Diwebsaete tšeo di nago le diteng tša difilimi tše dikopana. Hle romela email ya tšeo o di ratago go mofihlit@nfvf.co.za gore le tšona di tle di akaretšwe lenaneong le.
